Vår nye målbedrift Vidsyn Næringsbygg tilbyr unike tilbod i Sløvåg

Bli ein del av eit spenndande næringsområde og leig lokale i Vidsyn! 

Foto: Tina Monslaup 

Næringslivet i Gulen er i stadig vekst, og i dag er det heile 42 bedrifter som er lokalisert i Vidsyn, eller i sjølve industrihamna. Styreformann i Vidsyn, Torgeir Eide, fortel at det er spanande tider i Gulen Industrihamn, og for sjølve næringsbygget Vidsyn. I desse dagar har bygget ledige butikk og kontorlokale, der verksemder, gründerar og andre kan få leige lokale og ta del i næringsutviklinga i området. Hamna har fleire vekstbedrifter, som til dømes Wergeland, Østerbø Maskin og Norva24 Vest. Desse syner at det er mogeleg å skape noko stort i  dette området.
 
I dag er det tre år sidan Vidsyn vart opna. Senteret og verksemdene som er lokalisert i Sløvåg har bidrege til arbeidsplassar og verdiskaping for kommunen og regionen vår. Torgeir Eide fortel at det handlar om å sjå mogelegheiter i hamna og for senteret, og i desse dagar arbeidar næringsbygget Vidsyn saman med Gulen og Masfjorden Næringshage (GMNH) om å utvikle tilboda og aktivitetane i bygget. Vi som utleigar av lokalet må gjere det attraktivt å kome hit som verksemd eller gründer, samstundes som det er vår oppgåve å skape arrangement og aktivitet som er interessante for kundane i området, fortel Eide.
 
Det er imponerande å sjå kva verksemdene har fått til i bygget og hamna. Har du interesse for å starte opp med noko eller treng eit kontor eller butikklokale til di verksemd, vil du som leigetakar verte ein del av eit utforskande og støttande bedriftsmiljø. Pr. dags dato er hovudnæringane i hamna tenesteyting og baseverksemd innanfor industri, men Vidsyn og hamna tek også i mot andre aktørar innanfor andre bransjar. Dette vil i tilfelle berre styrke bygget sitt renommé, rekkevidde og mogelegheiter for synergiar mellom bransjane.
 
Fasilitetane her er mange. For det fyrste vil du som ny leigetakar i bygget verte ein del av eit kontorfellesskap med fleire og varierande verksemder. De får tilgang til hotell, kantine, taxi, treningssenter, matbutikk og andre butikkar, advokatteneste, tannlege, rekneskapstenester og kaianlegg. Samstundes er dette også ein god stad for oppstart av bedrifter og bedriftsutvikling, både Gulen og Masfjorden Utvikling (GMU) og Gulen og Masfjord Næringshage (GMNH), er lokalisert i bygget. Der GMU kan hjelpe med oppstart av verksemder, medan GMNH bidreg med konsulenttenester innan forretningsutvikling for alle type verksemder. Vidare er mogelege samarbeid mellom bedriftene også ein frynsegode du får som leigetakar hos oss på Vidsyn, fortel Eide. Alle leigetakarar får også tilgang til møterom, og møteromsfasilitetar.
 
Vi ynskjer alle nye potensielle leigetakar på Vidsyn velkommen, og håpar at fleire verksemder vil etablere seg i vårt næringsbygg, og i vår hamn. For meir informasjon om ledige lokaler sjå Vidsyn Næringsbygg si heimeside, klikk på linken her.